دوو لە هۆکارە زۆر باوەکانی نەخۆشی گورچیلە زەخت و نەخۆشی شەکرەیە. ئەگەر بێتو گرنگری بە خواردن نەدەی و هەردووکیان کۆنترۆڵ نەکەی، ئەوا گورچیلەکانت بەپێی کات لەکار دەکەون. کەواتە بۆ پاراستنی گورچیلەکانت پێویستە هەر یەکە لە شەکر و چەوری و خوێ لە خواردنت کەم بکەیتەوە. بەتایبەتی ئاگاداری ئەم ٥ خواردنە بە:

خواردنەوە گازییەکان: ئەم جۆرە خواردنەوانە وەک پێپسی، بەهای خۆراکییان زۆر کەمە و پڕن لە شەکر. لەگەڵ ئەوەش، کالۆرییان بەرزە و بە ئاسانی توشی قەڵەویت دەکەن. جگە لە نەخۆشی گورچیلە، توشی کێشەی ددانت دەکەن و ئێسکت لاواز دەکەن. باشترین خواردنەوە بۆ پاراستن و پاڵپشتی فرمانی گورچیلە، ئاوە. ئەگەر زۆریش کەیفت بە ئاو نایەت، دەتوانی یەك دوو پارچە میوەی تازەی لەناو بکەی وەک لیمۆ، بۆ زیاکردنی تام.

گۆشتی قوتو و ئامادەکراو: نموونەی ئەمانە وەک سۆسیس و پێپەرۆنی سەر پتزا، کە جگە لەوەی ڕێژەی خوێییان زۆر بەرزە، ماددەی ترییان تێدایە کە توشی شێرپەنجەت دەکەن. لەجیاتی ئەو گۆشتانە، دەتوانی سوود لە گۆشتی مریشک و عەلەشیش وەرگری. هەر گۆشتێک کە ڕێژەی سۆدیۆم و نیترات (Nitrate) کەم بێت، سوودی دەبێ.

کەرە: ئەمەش ڕێژەی چەوری خراپ و کۆلیسترۆل و کالۆری بەرزە. لەجیاتی ئەمانە، سوود لە زەیتی زەیتون و کانولا وەرگرە.

مایۆنیز: کە ڕێژەی چەوری خراپ و کالۆری زۆر بەرزە. دەتوانی سوود لە ماستی یۆنانی وەرگری، کە سەرچاوەی پرۆتینی باشە و لەگەڵ زەلاتە تێکەڵ دەکرێ.

خواردنی بەستوو: وەك پیتزای بەستوو یان هەر خواردنێکی بەستوو کە دەکرێتە مایکرۆوەیڤ و گەرم دەکرێت. ئەمانە ڕێژەی چەوری و خوێ و شەکرییان بەرزە. ئەگەر هەر ئەم خواردنانە دەکری، لەوانە بگەڕێ کە لەسەرییان نووسراوە “Low Sodium” یان “No Sodium added”.

سەرچاوە: https://www.kidney.org/kidney-topics/keep-your-kidneys-healthy-5-foods-to-avoid