هۆکاری ئازاری سکت بزانە بەپێی شوێنەکەی

یەک لەو پسیارەی پزیشك لێت دەکات دەربارەی ئازاری سك، شوێنی ئازارەکەیە، بۆ ئەوەی بزانێت هۆکارەکەی چییە، بەم شێوەیە:

لای ڕاست و سەرەوەی سك

بەردی زراو: زۆربەی کات دوای خواردنی چەور دەست پێدەکات و دەداتە شانی ڕاست و پشت.
هەوکردنی تووندی زراو: لەگەڵ بوونی ئازار، کەسەکە تایەکی بەرزی دەبێت و بەدەست لێدان لە بەشی سەرەوە و ڕاستی سکی، ئازاری دەبێت.
هەوکردنی جگەر: زۆربەی کات بەهۆی ڤایرۆسی جگەرەوەیە، یان خواردنەوە کحولییەکان، وە ئازارەکەی کەمترە لەچاو هەوکردنی تووندی زراو. هەروەها دەکرێ کەسەکە زەردویی بگرێت و ڕەنگی میزی تۆخ بێت وەک چای.
برینی ریخۆڵە: ئازارەکەی دوای نانخواردن کەم دەبێتەوە و بە برسێتی زیاد دەکات
هەوکردنی پەنکریاس: ئازاری بەردەوام کە دەداتە پشتت، ژانەکە زیاتر دەبێت بە پاڵکەوتن، وە باشتر دەبێت بە چەمانەوە بۆ پێشەوە
هەوکردنی سیی لای ڕاست

هەوکردنی گەدە / برینی گەدە: سووتانەوە و ئازار کە بە نانخواردن خراپتر دەبێت.
هەوکردنی پەنکریاس
گیرانی خوێنبەری سپڵ: ئازاری تووند و لەناکاو لە بەشی سەرەوە و چەپی سك، دەکرێت تای لەگەڵ بێت
دومەڵی سپڵ: ئازاری بەردەوام لەگەڵ تا. زۆربەی کات لەو کەسانەی کۆئەندامی بەرگرییان لاوازە
هەوکردنی سی لای چەپ
جەڵتەی دڵ / هەوکردنی پەردەی دڵ
بەردی گورچیلە

ڕیخۆڵە کوێرە: زۆربەی کات ئازارەکەی لە ناوەڕاستی سك و ناوک دەست پێ دەکات، وردە وردە دێتە لای ڕاست و خوارەوەی سك، کەسەکە ئارەزووی خواردنی کەم دەبێت و بەدەست لێدان ئازاری دەبێت
هەوکردنی قۆلۆن: جگە لە ئازار، دەکرێت کەسەکە سکچوونی هەبێت و کێشی دابەزێت
بەردی میزەرۆ، لای ڕاست: ئازارەکە دەکرێت تا ناوچەی حەوز بێت و کەسەکە خوێن ببینی لەکاتی میزکردن
تەقینی کیسەی هێلکەدان لە ئافرەتاندا / سووڕانی هێلکەدان
فتق
دووگیانی دەرەوەی رەحم لە ئافرەتان